Þökkum öllum þeim sem styrktu skátana okkar með kaupum á jólavörum á Landsmót skáta næsta sumar á Úlfljótsvatni í tilefni 100 ára afmæli skátastarfs á Íslandi.

Skátar frá tíu ára og upp úr í fjáröflun fyrir Landsmóti skáta 2012

Nú eru 26 skátar að safna sér fyrir Landsmóti skáta næsta sumar. Þeir eru að selja allskonar jólavarning, meðal annars margnota bökunarpappír, jólakaffi frá Kaffitári,  jólapakkningar sem innihalda jólapappír, hnotur, merkispjöld og límband og jóladagatöl!

Við hvetjum alla til að taka vel á móti þeim. 

Dagsferð drekaskáta var í dag, laugardag 22. október. Farið var í Maríuhella í Heiðmörk. Fjölmennt var af skátum, foreldrum og systkinum. Hellarnir á svæðinu voru skoðaðir, hitað kakó yfir eldi, grillað kanilhækbrauð og að lokum vígt fimm nýja drekaskáta inn í sveitina. Við þökkum kærlega fyrir daginn!

Myndir eru komnar inn undir myndaalbúm.

Frábær foreldrafundur fór fram í Árbúaheimilinu í kvöld þar sem var vel mætt af foreldrum/forráðamönnum skáta í félaginu.

Meðal þess sem var farið yfir á fundinum var að hver sveit kynnti sitt sveitarstarf, stjórnin kynnti sig, sagt var frá hvernig nýja skátaaðferðin mun koma inn í sveitarstarfið, flott kynning frá Landsmótsstjórn á Landsmóti næsta sumar og farið var yfir fjáröflunarfyrirkomulag fyrir Landsmótið. Að lokum gæddu flestir sér að vöfflum og spjölluðu saman.

Ef einhverjir foreldrar sáu sér ekki fært að mæta í kvöld en vilja afla sér einhverra upplýsinga um þetta hafið þá samband við starfsmann á arbuar(hjá)skatar.is

Kæru skátar og foreldrar/forráðamenn þeirra,

Næstkomandi þriðjudag, þann 27. September klukkan 19:30 verður haldinn foreldrafundur hjá Árbúum. Á foreldrafundinum verður farið yfir ýmis atriði hvað varðar komandi starfsvetur.
Meðal þess sem verður farið yfir er:

•         Starfandi stjórn skátafélagins kynnir sig.
•         Allir sveitaforingjar munu kynna sig og sína starfsáætlun fyrir önnina.
•         Sagt verður frá þeim breytingum sem nýja skátaaðferðin, sem verið er að taka upp, hefur á starf hverrar sveitar.
•         Kynning frá landsmótsstjórn á Landsmóti 2012.
•         Rætt verður um fjáraflanir fyrir Landsmót 2012.
•         Önnur mál, umræður og spurningar.

Þannig að það verður sagt frá mikið af nýjum og mikilvægum hlutum og er það von okkar að einhver frá hverjum skáta sjái sér fært að mæta.

Léttar veitingar verða í boði hússins.

Skátakveðja,

Stjórn og sveitaforingjar Árbúa

Allir þeir sem hafa lögheimili í Reykjavík og hafa endurnýjað skráninguna sína í félagið fyrir starfsveturinn 2011-2012 geta nú farið og úthlutað félagsgjaldinu á Árbúa í gegnum frístundakort Reykjavíkurborgar.

Við minnum á að greiða þarf annargjaldið fyrir 2.október!

Ef þið viljið greiða með frístundakrotinu en skátastarfið kemur ekki upp eruð þið beðin um að hafa samband við starfsmann á arbuar@skatar.is

Allar sveitir eru nú komnar á fullt eftir frábæra byrjunarviku!

Fundartímar í skátaheimilinu eru eftirfarandi: 

Setustofa byrjar 15.september.

September er kynningarmánuður og býðst þá þeim sem hafa ekki kynnst skátastarfi áður að koma á 1 kynningarfund og prófa skátana áður en þeir skrá sig formlega og gera upp önnina.

Skráningarhnappur er hér til vinstri á heimasíðunni. Mikilvægt er að allir skrái sig í skátastarfið, nýjir eða gamlir. Þetta er gert til þess að tryggja að allar upplýsingar um viðkomandi skáta séu réttar og uppfærðar. Þú getur einnig skráð þig hér.

Vetrarstarfið er alveg að fara hefjast - aðeins 10 dagar í fyrsta skátafundinn!

Fundartímar fyrir nánast allar sveitir eru komnir inn á heimasíðuna okkar. Sjá hér.
Því miður eru fundartímar fálkaskáta eldri og rekkaskáta ekki alveg komnir á hreint en verða það vonandi sem fyrst.

Veturinn framundan er uppfullur af spennandi ævintýrum og verkefnum til að takast á við!

Hlökkum til að sjá ykkur öll aftur - eftir aðeins 10 daga!


Áskorun sem skátar fengust við í sumar: Að tjalda blindandi undir stjórn sjáandi manns


Spenningurinn magnast yfir því að vetrarstarfið sé að byrja!

Þessa vikuna og næstu verða kynningar á nýjum foringjahandbókum fyrir skátaforingja haldnar hjá skátafélögum um allt land. Fulltrúar frá BÍS heimsækja félögin og fara yfir í hverju breytingarnar felast,  kynna bækurnar og þann stuðning sem félögunum stendur til boða í innleiðingunni. Útgáfuhátíð var haldin í Skátamiðstöðinni mánudaginn 22. ágúst þar sem ríflega 80 manns mættu að kynna sér bækurnar. Bókunum var vel tekið og margir foringjar eru orðnir spenntir að takast á við nýjar áskoranir.

Kynningarkvöld verður í Árbúum í kvöld, fimmtudag 25.ágúst, klukkan 20:00. 

Nú er sumarið að verða búið og var það uppfullt af skátastarfi.  Árbúar eru meðal annars búnir að vera að fara á skátamót eins og Landnemamót og Alheimsmót skáta í Svíþjóð. Þeir eru einnig búnir að halda úti Útilífsskóla skáta með góðum undirtektum.

Vetrarstarfið hefst á ný í vikunni 5. - 9. September. Fundartímar fyrir hverja sveit fyrir sig munu koma inn í næstu viku.

Við hlökkum til að sjá ykkur öll aftur. Hressir skátar á Alheimsmóti skáta í Svíþjóð

Flottir Árbúar og Seglar á Landnemamóti í sumar

Á morgun er síðasti dagurinn í Útilífsskóla Árbúa þetta sumarið. Við þökkum mjög góðar viðtökur í sumar og sjáumst hress næsta sumar.

Myndir af námskeiði þrjú koma inn í dag og af námskeiði fjögur um helgina.

Flottri fyrstu viku í Útilífsskólanum lokið.  Meðal þess sem var gert í þessari viku var ratleikur í Elliðaárdalnum, klifur og sig, kanó og útilega á Hafravatni. Næsta vika er ekki síður full af skemmtilegri dagskrá.

Myndir koma inn af námskeiðinu við fyrsta tækifæri. 

Skráning er enn í fullum gangi á næstu námskeið sumarsins. Skráðu þig hér. 

16 drekaskátar úr Árbúum leggja af stað á Drekaskátamót á laugardaginn. Mótið er  haldið á Úlfljótsvatni og er gist í tjöldum í eina nótt. Þetta er spennandi skátamót fyrir yngstu skátana okkar.

Myndirnar eru af drekaskátamóti sumarið 2010.
Það er klárt mál að drekaskátanna okkar bíður mikið ævintýri!