Skráning í Útilífsskóla Árbúa er komin á fullt!

Hvetjum alla sem ætla skrá sig í Útilífsskólann að kynna sér málið betur hér og skrá sig. 

Nú eru páskarnir að renna í garð og skátastarfið að fara í páskafrí. Páskafríið verður eins og fríið er í skólunum. Síðustu fundir fyrir páskafrí eru í dag, miðvikudag 28. mars, og fundir byrja svo aftur þriðjudaginn 10. apríl.

Drekaskátar: þriðjudaginn 10. apríl kl:17:15-18:30
Fálkaskátar: miðvikudaginn 11. apríl kl: 17:00-18:30.
Dróttskátar: mánudagurinn 16. apríl kl: 20:00-21:30
Rekkaskátar miðvikudaginn 11. apríl kl: 20:00

Eigið góða páska!

Myndir úr félagsútilegunni komnar inn á heimasíðuna undir myndir!

Helgina 9. - 11. mars verður haldin félagsútilega Skátafélagsins Árbúa. Að þessu sinni verður félagsútilegan haldin í Skorradal í skálanum Skátafelli sem er í eigu Skátafélagsins Akranes. 

Fálkaskátar og eldri fara með rútu frá skátaheimilinu á föstudagskvöldið og er mæting klukkan 19:00. Gert er ráð fyrir að skátarnir séu búnir að borða kvöldmat. 
Drekaskátar fara með rútu frá skátaheimilinu á laugardagsmorgun og er mæting klukkan 09:30. Gert er ráð fyrir að skátarnir séu búnir að borða morgunmat. 
Gert er ráð fyrir heimkomu á sunnudag um kaffileytið. 

Í útilegunni verður skipulögð dagskrá allan tímann. Við gerum ráð fyrir töluverðri útiveru og því er mikilvægt að krakkarnir mæti vel útbúnir.

Gjaldið fyrir félagsútileguna fyrir fálkaskáta og eldri er 7.500 krónur og fyrir drekaskáta 6.000 krónur (sama verð og síðastliðin tvö ár). Innifalið í því er skálagjald, rúta fram og tilbaka og matur allan tímann. Gjaldið er greitt við mætingu í skátaheimili

Athugið að skrá þarf skátann sinn hér til þátttöku á tímabilinu 24. febrúar til 4. mars.

Aðalfundarboð

Aðalfundur skátafélagsins Árbúa verður haldinn:

miðvikudaginn 29. febrúar næstkomandi kl. 20:00

í skátaheimilinu Hraunbæ 123.

Dagskrá aðalfundar samkvæmt lögum félagsins:

1. Kosning fundarstjóra og fundarritara

2. Skýrsla stjórnar

3. Lagðir fram samþykktir endurskoðaðir reikningar

4. Lagabreytingar

5. Kosning aðstoðarfélagsforingja til eins árs í senn

6. Kosning eins einstaklings í stjórn til tveggja ára

7. Kosning eins skoðunarmanns

8. Önnur mál

Boðið verður upp á kaffi og með því eftir fundinn.

Reykjavík 20. febrúar 2012

Með von um góða mætingu

Fyrir hönd stjórnar Árbúa

Jón Ingi Sigvaldason

félagsforingi

Í gærkvöldi var vel mætt á kynningarfund fyrir foreldra og skáta fyrir Landsmót og nú viljum við vekja athygli á því að skráningarfrestur á mótið rennur út eftir aðeins 2 daga (á föstudaginn 10. febrúar).

Við viljum sjá ÞIG á Landsmóti svo skráðu þig hér!

Ef að einhverjir komust ekki á kynningarfundinn í gær en óska eftir upplýsingum um mótið hvetjum við ykkur til að kíkja á heimasíðu Landsmóts, www.skatamot.is og ekki hika við að hafa samband við okkur með að senda línu á arbuar@skatar.is.

Nú eru í kringum tuttugu Landsmótsfarar að fjárafla í Árbænum fyrir Landsmóti skáta sem verður haldið á Úlfljótsvatni dagana 22. - 29. júlí næstkomandi.

Skátarnir eru að selja flatkökur, kleinur, kanilsnúða, harðfisk, tannburstasett, kúst sem er með stækkanlegu skafti og er góður til að þurrka snjóin af bílnum, klósettpappír, eldhúspappír, hina ýmsu pakka eins og pokapakka, kósýpakka, vetrarpakka fyrir bílinn.

Við hvetjum alla til þess að taka vel á móti skátunum og styrkja þá til að geta tekið þátt í þessu stóra ævintýri!

Landsmót skáta sumarið 2012 verður hápunkturinn á þessu skátastarfsári og ætla Árbúar að sjálfsögðu að fjölmenna. Það er því ekki seinna vænna en að fara kynna sér mótið og skrá sig!

Við hvetjum ykkur til að skrá skátana ykkar sem fyrst því það er mikilvægt fyrir okkur að vita hverjir ætla með okkur frá upphafi ásamt því að þið hafið þá möguleikann á að greiða jafnt og þétt gjaldið fram að Landsmóti, nota strax þann pening sem skátarnir eru búnir að fjárafla sér. Þú getur skráð þig HÉR!

Allar þær upplýsingar sem liggja fyrir um Landsmótið er að finna á heimsíðu mótsins; www.skatamot.is og hafa verið sendar frá okkur í tölvupóstum á alla fálkaskáta, dróttskáta og rekkaskáta.

Við hvetjum alla drekaskáta og foreldra þeirra til að kynna sér fyrirkomulag fjölskyldubúða á Landsmóti. Það er hægt hér.

Fjórir dróttskátar úr Árbúum, Elínrós Birta, Katrín, Hafdís Jóna og Tómas Snær, voru fánaberar í blysför/göngu að þrettándabrennu Grafarholts í gær. Eftir gönguna stóðu þeir heiðursvörð við lúðrasveitina meðan hún spilaði tvö lög fyrir mannfjöldann. Dróttskátarnir stóðu sig ákaflega vel.

Myndir úr göngunni má sjá hér.
 

Nú er skátastarfið að fara á fullt á ný eftir jólafrí! 

Ef þú hefur áhuga á því að koma í skátana getur þú skráð þig hér.

Fundartímar sveita verða á sama tíma og fyrir áramót. Allir fundir hefjast í vikunni 9. - 13. janúar.

Drekaskátar: þriðjudaga klukkan 17:15-18:30. Fyrsti fundur 10. janúar.

Fálkaskátar yngri og eldri: miðvikudaga klukkan 17:00-18:30. Fyrsti fundur 11. janúar.
Dróttskátar: mánudagar klukkan 20:00-21:30. Fyrsti fundur 9. janúar.
Setustofa: annan hvern fimmtudag klukkan 19:30-21:30. Hefst 19. janúar.

Rekkaskátar: miðvikudaga klukkan 20:00-21:30. Hefjast 11.janúar

Upplýsingar um annargjald og þess háttar er búið að uppfæra á heimasíðunni og má sjá hér.

Tæplega 100 manns mættu á jólakvöldvöku Árbúa sem haldin var í kvöld til þess að loka þessari önn af skátastarfi. Sungið var skátalög og jólalög. Fálkaskátar og dróttskátar sáu um skemmtiatriði. Drekaskátar voru búnir að undirbúa veitingar fyrir fólkið og rekkaskátarnir sáu um aðstoð við viðburðinn og varðeldinn sem tók á móti gestunum.

Við þökkum öllum kærlega fyrir komuna og þessa góðu stund. Óskum ykkur og fjölskyldum ykkar gleðilegrar hátíðar og sjáumst aftur á nýju skátaári (fundir hefjast aftur í vikunni 9. til 12. janúar).

Skátakveðja,

Stjórn og foringjar Árbúa

Fálkaskátar voru umhverfisvænir í lok nóvember og gerðu Stoka á fundi til þess að nota við ýmis tækifæri.



Sumir voru mjög hugmyndaríkir og gerðu jólasveinahúfur úr afgangsbútunum.